Из жизни театра

Search Our Site

Администратор: +7 (8672) 25-11-42 Касса: +7 (8672) 55-14-68

  • «Отелло». В.В. Тхапсаев
  • «Когда дрожит земля». В.В. Тхапсаев
  • «Сын Иристона». В.В. Тхапсаев
  • «Фатима». В.В. Тхапсаев
  • «Сын Иристона». В.В. Тхапсаев
  • «Отелло». В.В. Тхапсаев
Роберт уыд йӕ цард ӕнӕхъӕнӕй дӕр Ирон театрӕн, ирон дзырдаивадӕн чи снывонд кодта, уыцы курдиатджын ӕмӕ зӕрдӕхӕлар артист. Цы бирӕ сурӕттӕ сарӕзта, уыдон иууылдӕр сты хигъӕдон, алцӕххӕст ӕмӕ зӕрдӕйы иннӕрдӕм чи ахизы, ахӕм. Роберт уыд, кӕстӕртыл аудӕг, раст фӕндагмӕ сӕ здахӕг. Йӕ ацыдӕй зӕрдӕ нынкъард, бафтыд сагъӕсты. Нал хъуысы йӕ бирӕмырон хъӕлӕс, нал зӕлы йӕ зарӕг.
Роберт йӕ фӕстӕ цы фӕд ныууагъта, ирон театралон аивадмӕ цы стыр ӕвӕрӕн бахаста, уымӕй йӕ ном сызгъӕрин дамгъӕтӕй фыст ӕрцӕудзӕн театры историйы. Уыд артист, режиссер, тӕлмацгӕнӕг ӕмӕ хор адӕймаг, уарзон хӕлар ӕмӕ ӕмкусӕг…
Ирон театры сценӕйы Роберт сарӕзта 70 ролӕй фылдӕр. Ӕмхуызон хорз ын уадысты куыд драмон, афтӕ комедион сурӕттӕ дӕр. Бирӕвӕрсыг курдиаты хицау уӕвгӕйӕ, уый йе сценикон аивад баиу кодта телерадиокомпани «Алани»-имӕ. Уым цӕттӕ кодта культурӕ ӕмӕ аивады зындгонддӕр архайджыты тыххӕй равдыстытӕ. Уыдис Цӕгат Ирыстоны паддзахадон университеты аивӕдты факультеты кафедрӕйы доцент. Арф ӕнкъардта мадӕлон ӕвзаг ӕмӕ йын лӕггад кодта ӕвӕллайгӕйӕ.
Дыгурон ӕмӕ Ирон театры сӕвӕрдта спектакльтӕ. Ахъазыд кинонывтӕ: «Буйный Терек», «Женский роман», «Обида старого охотника», «Ласточки прилетели» ӕмӕ ӕндӕрты. Хорзӕхджынгод уыд майдан «Ирыстоны Намысӕн»-ӕй. Рухсаг у Роберт. Дзӕнӕт дӕ бынат.