Ирон театры кадджын уавæры æхгæд æрцыд 80-æм юбилейон театралон сезон

« Назад

Ирон театры кадджын уавæры æхгæд æрцыд 80-æм юбилейон театралон сезон 30.06.2016 18:35

 Театры сценæмæ  не ппæтæн дæр уарзон артисттæ куы схызтысты, уæд сыл адæм сымбæлыдысты тыхджын кухæмдзæгъдимæ. Театры аивадон разамонæг Гуыбиаты Хъазыбег арфæйы ныхæстæ загъта, бирæ азты дæргъы ирон театралон аивадæн чи лæггад кæны, уыцы  Тлаттаты Бексолтанæн, Икъаты Бертæйæн, Хъулаты Верæйæн, Галазты Земфирæйæн…

IMG_6472 IMG_6468 IMG_6466 IMG_6462

Гуыбиаты Хъазыбег  йæ разныхасы куыд бафиппайдта, афтæмæй театры сфæлдыстадæн, куыст дзы   бæрзонд æмвæзадыл æвæрд кæй у, уымæн стыр аргъ скæнынц се мкусджытæ Уæрæсейы иннæ театртæй, театралон критиктæ гастролты æмæ фестивальты рæстæг.  Уымæн æвдисæн сты зымæджы Мæскуыйы цы стыр гастролтæ ацыдысты, уыдон. Уымæй уæлдай ма бузныджы ныхæстæ загъта ирон театрыл бирæ азты дæргъы йæ зæрдæ чи нæ ивы, уыцы аивадуарзджытæн.  «Базыдтой мæ,  уарзынц мæ, - афтæ ахъуыды кæны алы артист дæр, сценæмæ куы рахизы, уæд. Фæлæ артистæн æппæты тынгдæр æхсызгондзинад хæссы уæ къухæмдзæгъд спектаклы фæстæ», -загъта Гуыбиаты Хъазыбег.  

Уыцы изæр ма нæ республикæйы адæмон артистты нæмттæ лæвæрд æрцыдысты  Дзбойты Зоя, Брытъиаты Риммæ æмæ Тыджыты Едикæн. Нæ республикæйы культурæйы сгуыхт кусæджы ном лæвæрд æрцыдис костюмты нывгæнæг Касаты Верæйæн. Республикæйы хицауады номæй сын арфæ ракодта æмæ кадджын æвдисæндартæ радта культурæйы  министры хæдивæг Къубалты Эльбрус.   

IMG_6483 IMG_6486 IMG_6488

Театры номæй  арфæйы гæххæтт лæвæрд æрцыд  ООО «СМП –ТУР»-ы генералон директор Санахъоты Нугзарæн, йæ зæрдиаг лæггады тыххæй.  

80-йæм театралон сезоны кæронбæттæны æвдыст æрцыд Хуыгаты Георы пьесæмæ гæсгæ  спектакль «Хъæздыг хæдзар», йæ режиссер-æвæрæг Уæрæсейы сгуыхт артист Сабанты Тамерлан.

Театр уал рæстæгмæ хæрзбон загъта. Фæззæджы та ногæй æнхъæлмæ кæсы йæ театрдзаутæм. Гуыбиаты Хъазыбег куыд загъта, афтæмæй 81 театралон сезонмæ цæттæ кæнынц ног цымыдисаг премьерæтæ.

  


Комментарии


Комментариев пока нет

Пожалуйста, авторизуйтесь, чтобы оставить комментарий.

Авторизация
Введите Ваш логин или e-mail:

Пароль :
запомнить