Ирон лæджы кад!

« Назад

Ирон лæджы кад! 26.10.2017 09:04

   Джеоргуыбайы мæйы  фарæстǽм бонмæ, (9 ноябрмæ) ирон театр цæттæ кǽны ног премьерæ. Уый уыдзæн Брытъиаты Елбыздыхъойы уацмыстæм гǽсгæ æвæрд спектакль «Ирон лǽджы кад».

   Спектаклы режиссер-æвæрæг у РЦИ-Аланийы адæмон артисткæ Черчесты Дианǽ, архайдзысты дзы РЦИ-Аланийы  адæмон артисттæ Къуымæллæгкаты Вовæ æмæ Къǽбысты Павел, Сугъаты Хъазыбег, Джанайты Эльбрус  æмæ театры иннæ артисттǽ.

   Фыццаг премьерæ уыдзǽн дыккæгæм ноябры 18.00 сахатыл. Спектакль æвдыст цǽудзæн артистты хиуæттǽн, дзыллон информацийы фæрæзты минæвǽрттæн. Стæй уǽд 9 ноябры 18.00. та зæрдиагæй æнхъǽлмæ кæсы  театрдзаутæм се ппæтмǽ дæр.

IMG-20171026-WA0008 IMG-20171026-WA0006 

   Фæстаг хатт ирон театры сценæйыл Брытъиаты Елбыздыхъойы уацмыстæм гæсгǽ спектакль «Дыууæ хойы», ǽвдыст цыд 1992 азы. Æмæ кæд театры разамындмǽ иу æмæ дыууæ хатты нǽ уыд фæнд,  Елбыздыхъойы уацмыстæм ногæй раздæхын, цавæрдǽр аххосæгтæм гæсгǽ уый къухы нǽ бафтыд.

   Ацы хатт, уал азы фæстæ, Брытъиаты Елбыздыхъойы сфæлдыстадмæ йе ргом раздæхта Черчесты Дианǽ, æмæ хуымæтǽджы нæ. Йæхæдǽг куыд радзырдта, афтæмæй йæ тынг фǽнды, цæмæй рæзгǽ фæсивæд, скъоладзаутæ, студенттǽ хǽстæгдæр базонгæ уой национ драматургийы бындурǽвæрæджы сфæлдыстадон бынтимǽ. Уæдæ хистæр кары театрдзаутǽ дæр  байрайдзысты спектаклǽй.   

  Спектакль «Ирон лæджы кад»-ы режиссер Черчесты Дианæ баиу кодта Елбыздыхъойы дыууǽ пьесæйы «Уæрæседзау» ǽмæ «Худинаджы бæсты мæлǽт». Бакодта дзы ног персонажты, фæлæ классик йæ уацмысты цы хъуыды бавǽрдта, уый, кæй зæгъын æй хъǽуы, ивд не рцыд. "Уадз æмǽ рæзгæ фæлтǽр зоной æмæ æмбарой, раздæр нǽ фыдæлтæ  æгъдау, кад æмæ намыс  куыд бæрзонд ǽвæрдтой, афтæ бæрзонд сǽ уыдон дæр куыд хъуамæ хæссой, уый"- зæгъы Дианæ.

    Кæд хуыздæр ǽмæ растддæр у спектаклмæ бакǽсын? Фыццаг оригинал чиныджы бакæсын æви спектакль фаг у, цǽмæй сывæллонæн йæ зонындзинǽдтæ баххæст уой? Ныртǽккæ скъолаты ирон литературǽйæн уыйбæрц сахаттæ лǽвæрд нæ цæуы, цǽмæй ахуырдзауты скъолайы программæйы фæлгæты ирон классикты, уыимǽ, национ драматургийы бындурǽвæрæг Брытъиаты Елбыздыхъойы уацмыстимæ бǽстонæй базонгæ кæной. Æмæ скъолайы программǽйы уацмыстæм ирон театры сценæйыл бакæсæн кæй уыдзǽн, уый у тынг хорз хъуыддаг. 

    Театры сфæлдыстадон разамонæг ǽмæ сæйраг режиссер Колыты Владислав дæр уæдæ зæрдæ æвæры, ацы театралон сезон дæр та нæ республикæйы  ахуырады министрадимǽ  дарддǽр мгуыстад кæй хæццæ кæндзысты, уымæй. Уый бындурыл къуыри  иу бон лæвæрд цǽудзæн скъолатæн.  «Скъолайы бон» сывæллæттæн ǽвдисдзысты скъолайы программæйы цы классикон уацмыстǽ ахуыр кæнынц, уыдонмæ гæсгǽ æвæрд спектаклтæ. Уымæн ирон театры  хъæугæ фадǽттæ ис.


Комментарии


Комментариев пока нет

Пожалуйста, авторизуйтесь, чтобы оставить комментарий.

Авторизация
Введите Ваш логин или e-mail:

Пароль :
запомнить