Новости

Search Our Site

Администратор: +7 (8672) 25-11-42 Касса: +7 (8672) 55-14-68

  • «Отелло». В.В. Тхапсаев
  • «Когда дрожит земля». В.В. Тхапсаев
  • «Сын Иристона». В.В. Тхапсаев
  • «Фатима». В.В. Тхапсаев
  • «Сын Иристона». В.В. Тхапсаев
  • «Отелло». В.В. Тхапсаев
18-19 мартъийы Ирон театры уыд Гаглойты Владимиры пьесӕмӕ гӕсгӕ ӕвӕрд спектакль «Нӕ фехъуыстон ма зӕгъут!».

Гаглойты Владимир у, ирон театралон аивадӕн зӕрдиагӕй чи балӕггад кодта, ирон драматургимӕ уазджын хуынтӕ чи бахаста, уыцы курдиатджын фыссӕг.
Комеди «Нӕ фехъуыстон ма зӕгъут»-ы цы фарстытӕ ӕрӕвӕрдта: кӕстӕртӕ ӕмӕ хистӕрты хсӕн ахастдзинӕдтӕ, хӕуты абон ӕмӕ фидӕн, зӕхкусӕджы куысты кад, - уыдон абон дӕр сты ахсджиаг.
Хъӕуккаг цардмӕ тӕхудытӕ кӕнгӕйӕ, ӕнцонцард агургӕйӕ, хатгай адӕймаг равзары рӕдыд фӕндаг! Уыцы къӕппӕджы, канд кӕстӕртӕ нӕ, фӕлӕ дзы хистӕртӕ дӕр арӕх бахауынц.
Автор пьесӕйы хъайтарты ӕрхудын кодта сӕхиуыл.
Архайд цӕуы, фӕсивӕд сӕхи горӕтмӕ иу иннӕйы фӕстӕ цы хъӕуӕй айстой, колхозы сӕрдар Цорӕ алы амӕлттӕй кӕстӕрты сӕ райгуырӕн хъӕубӕсты бауромынмӕ кӕм хъавы, Ирыстоны уыцы хъӕутӕй иуы. Утӕппӕт сӕрнизтӕ йын фаг нӕ уыдысты, ӕмӕ ма йӕ фырт Тузар дӕр ӕфсадӕй ӕрыздӕхт ӕд дзыхъынног ус, ӕд ноггуырд сывӕллон! Зориан йӕ иунӕджы ӕмкъайадимӕ разы нӕу! Зӕрдӕхъӕрмттӕ кӕны! Нӕ йӕ хъӕуы горӕтаг чындз. Фыд дӕр тӕрсы, йӕ фырт горӕтмӕ йӕ усы фӕдыл куы ацӕуа, уымӕй, ӕмӕ сӕм дзы къӕдзӕй балӕвӕрдта. Фӕлӕ фырт йӕ фыдӕн разынд фидар цӕджындз.
Уӕдмӕ фӕзындысты ӕмӕ хӕст-замана самадтой чызджы ныййарджытӕ Клеопатра ӕмӕ Пантелеймон! Уый та куыд?! Сӕ буцхаст иунӕг чызг профессор нӕ, фӕлӕ комбайныл кусӕг, хуымӕтӕг колхозонмӕ смой кодта?! Хъал митӕ… фӕлӕ зӕххыл дыууӕ адӕймаджы цы нӕ бафидауын кӕна, ахӕм хъару нӕма разынд. Уӕлдайдӕр та авдӕнӕй кӕстӕры кӕуын куы райхъуысы, уӕд.
Сыхӕгты ус Госӕгуызы дӕр дыууадӕсӕм уӕладзыджы ӕнӕмӕтӕй цӕрын бӕргӕ фӕндыд, фӕлӕ уый йӕ дзыхӕй дӕр куы нӕ суагъдаид! Йӕ сӕр цытӕ бавзӕрста, уымӕн ӕвдисӕн уӕхӕдӕг фӕут!
Амонд у… лӕг кӕм райгуыры, кӕм фӕфыдӕбон кӕны, хъарм ахстон кӕм сбыйы, уым зӕры бонтӕ арвитын.
Спектаклы сӕйраг рольты ахъазыдысты:
ЦОРӔ - РЦИ-Аланийы ад.арт. ГУЫБИАТЫ Хъазыбег
ЗОРИАН- РЦИ-Аланийы ад.арт. ЧЕРЧЕСТЫ Дианӕ,
ТУЗАР – артист ЕНАЛДЫТЫ Дмитри,
ПАНТЕЛЕЙМОН – РЦИ-Аланийы ад.арт. ӔЛБЕГТЫ Алан,
КЛЕОПАТРӔ – РЦИ-Аланийы ад.арт. ГӔБУТЫ Жаннӕ,
ДЕЗДЕМОНӔ – арт. ЦУГКИТЫ Вероникӕ,
ГОСӔГУЫЗ – РЦИ-Аланийы ад.арт. ХУЫБИАТЫ Неля,
ӔХСАР – РЦИ-Аланийы сг.арт. ДЖАНАЙТЫ Эльбрус,
ЛАДИНКА – РЦИ-Аланийы ад.арт. КОЧЫНТЫ Аллӕ ӕмӕ РЦИ-Аланийы ад.арт. МЕЛЫКАТЫ Замирӕ,
МИЛИЦИОНЕР – РЦИ-Аланийы ад.арт. КЪӔБЫСТЫ Павел.
Пьесӕ Ирон театры сценӕйы ӕвӕрд уыд раздӕр дӕр. Уӕд дзы ахъазыдысты: Цорӕ – Саламты Къола, Зориан – Дзбойты Зоя, Тузар – Суанты Хъазыбег, Дездемонӕ – Медойты Светланӕ, Пантелеймон – Годжыцаты Исахъ, Клеопатра – Беккуызарты Орзетӕ, Ӕхсар – Тыджыты Эдуард, Госӕгуыз – Кочынты Аллӕ, Ладинка – Уртаты Верӕ.