Новости

Search Our Site

Администратор: +7 (8672) 25-11-42 Касса: +7 (8672) 55-14-68

  • «Отелло». В.В. Тхапсаев
  • «Когда дрожит земля». В.В. Тхапсаев
  • «Сын Иристона». В.В. Тхапсаев
  • «Фатима». В.В. Тхапсаев
  • «Сын Иристона». В.В. Тхапсаев
  • «Отелло». В.В. Тхапсаев
Зынаргъ хӕлӕрттӕ!

Зӕрдиагӕй мӕ сымахӕн раарфӕ кӕнын фӕнды Тӕбӕхсӕуты Балойы номыл Цӕгат Ирыстоны паддзахадон академион театры 85 азы кадджын юбилейы тыххӕй. Ӕппӕт уыцы азты театр ахсы сӕрмагонд бынат республикӕйы культурон царды. Ам архайдтой, сӕ куыстыл, сценӕйыл ӕнувыд чи уыд, уыцы зындгонд драматургтӕ, режиссертӕ ӕмӕ актертӕ. Национ режиссурӕйы фидар традицитӕн бындур сӕвӕрдтой Брытъиаты Зариффӕ ӕмӕ Хуыгаты Геор, сценӕйыл та сӕ хӕдхуыз актеры курдиат хъомысджынӕй ӕвдыстой Тӕбӕхсӕуты Бало, Таутиаты Солӕман, Хъӕрджынты Варварӕ, Икъаты Серафин, Хъариаты Тамарӕ, Саламты Къола, Туменаты Еленӕ, Годжыцаты Исахъ, Уататы Бибо ӕмӕ бирӕ ӕндӕртӕ. Сфӕлдыстадон куыст кӕнгӕйӕ, ӕвӕрд цыдысты диссаджы сценикон уацмыстӕ. Уыдон систы фыдыбӕстон театралон аивады ӕцӕг классикӕ.
Рӕстӕг цӕуы, ӕмӕ абон Мельпоменӕйӕн лӕггадгӕнӕг курдиатджын ӕрыгон фӕлтӕр театрдзауты зӕрдӕтӕ рухс кӕнынц нырыккон ног ӕвӕрд спектаклтӕй. Уыцы кадджын бон мӕ сымахӕн раарфӕ кӕнын фӕнды уӕ куыстыл ӕнувыддзинады, сфӕлдыстадмӕ сыгъдӕг уарзондзинады ӕнкъарӕнтӕ дарыны, Ирыстоны национ культурӕмӕ стыр бавӕрӕн бахӕссыны тыххӕй. Ныфс мӕ ис, театры историйы амӕй фӕстӕмӕ дӕр кӕй фӕзындзӕн ног цӕхӕркалгӕ нӕмттӕ, сценӕйыл ӕвӕрд кӕй ӕрцӕудзӕн ног зӕрдӕмӕдзӕугӕ спектаклтӕ, уымӕй.
Зӕрдиагӕй уын мӕ зӕрдӕ зӕгъы фидар ӕнӕниздзинад, ӕнтыстдзинӕдтӕ, уӕлтӕмӕнад, ӕнӕнцайгӕ къухӕмдзӕгъд. Макуы байсысӕд уӕ курдиаты суадон!

Алексей Мачнев, Республикӕ Цӕгат Ирыстон-Аланийы Парламенты Сӕрдар