Новости

Search Our Site

Администратор: +7 (8672) 25-11-42 Касса: +7 (8672) 55-14-68

  • «Отелло». В.В. Тхапсаев
  • «Когда дрожит земля». В.В. Тхапсаев
  • «Сын Иристона». В.В. Тхапсаев
  • «Фатима». В.В. Тхапсаев
  • «Сын Иристона». В.В. Тхапсаев
  • «Отелло». В.В. Тхапсаев
Арфӕтӕ Зынаргъ ӕмбӕлттӕ!
85 азы размӕ, 10 ноябры, йӕ дуӕрттӕ фыццаг хатт байгом кодта Цӕгат Ирыстоны паддзахадон театр. Уыцы хабар ссис нӕ культурӕйы стыр бӕрӕгбон, уымӕн ӕмӕ театры ахадындзинад адӕмы монон царды у тынг ахсджиаг ӕмӕ бирӕвӕрсыг. Ирон театр махӕн уыдис ӕмӕ у национ аивады артдзӕст, раст хъомылад ӕмӕ рухстауыны фӕрӕз, куырыхон зонд, бӕрзонд ӕмӕ ирд хъуыдыты айдӕн. Йӕ фӕзындмӕ рагӕй бӕллыдысты нӕ интеллигенцийы хуыздӕр минӕвӕрттӕ — Хетӕгкаты Къоста, Брытъиаты Елбыздыхъо, Кочысаты Розӕ, Коцойты Арсен, Гӕдиаты Цомахъ, Тыбылты Алыксандр ӕмӕ ӕндӕртӕ.
Тырныдтой уымӕ, цӕмӕй бӕрзонд аивад адӕммӕ суа ноджы хӕстӕгдӕр. ӕмӕ уыцы арфӕйаг хъуыддаг бантыст сӕ фӕдонтӕн — 1935 азы райгуырд Ирон профессионалон театр. Уӕдӕй абонмӕ райгӕрста стыр фӕндаг, йӕ райрӕзтыл куыстой нӕ курдиатджын фысджытӕ, режиссурӕйы дӕснытӕ, нывгӕнджытӕ ӕмӕ актертӕ. Бындур ӕвӕрдтой аивадон традицитӕн ӕмӕ сӕ азӕй-азмӕ хъӕздыгдӕр кодтой.
Тӕбӕхсӕуты Бало, Хъӕрджынты Варварӕ, Икъаты Серафин, Таутиаты Солӕман, Саламты Къола, Хъариаты Тамарӕ, Сланты Къоста, Баллаты Владимир, Уататы Бибо, Мерденты Юри, Бытъӕты Роберт ӕмӕ бирӕ ӕндӕртӕ удуӕлдайӕ фыстой Ирон театры истори. Абон драматургтӕ ӕмӕ театралон архайджытӕ, уынӕм ӕй, уыцы традицитӕ дарддӕр рӕсугъдӕй хӕссынц, ӕнувыдӕй кусынц ууыл, цӕмӕй се сфӕлдыстад адӕмы зӕрдӕты арф хиза, гуырын кӕна бӕрзонд ӕнкъарӕнтӕ, тауа гуманизмы идеалтӕ.
Мӕ зӕрдӕ зӕгъы, цӕмӕй сын ноджы фылдӕр бантыса ӕмӕ Тӕбӕхсӕуты Балойы номыл Цӕгат Ирыстоны паддзахадон академион театр фидӕны дӕр уа ӕнтыстджын, адӕмӕн уарзон, иннӕ театрты 'хсӕн та нымад ӕмӕ кадджын.
Хуыздӕр арфӕтӕ театры кусджытӕн ӕмӕ уе 'ппӕтӕн дӕр!

Битарты Вячеслав, Республикӕ Цӕгат Ирыстон-Аланийы Сӕргълӕууӕг.