СМИ о нас

Search Our Site

Администратор: +7 (8672) 25-11-42 Касса: +7 (8672) 55-14-68

  • «Отелло». В.В. Тхапсаев
  • «Когда дрожит земля». В.В. Тхапсаев
  • «Сын Иристона». В.В. Тхапсаев
  • «Фатима». В.В. Тхапсаев
  • «Сын Иристона». В.В. Тхапсаев
  • «Отелло». В.В. Тхапсаев
Тагъд рæстæг Хуссар Ирыстоны Хетæгкаты Къостайы номыл паддзахадон драмон театры артисттæ гастролон балцы ацæудзысты Цæгат Ирыстонмæ. Уый тыххæй фехъусын кодтой театры пресс-службæйы.

Пресс-службæйы минæвар куыд радзырдта, афтæмæй театры коллектив Цæгат Ирыстойнаг аивадуарзджыты йæ дæсныдзинадимæ зонгæ кæндзæн 26-30 октябры. Гастролтæ цæудзысты Тæбæхсæуты Балойы номыл Ирон академион театры сценæйыл.

Куыд нысангонд цæуы, афтæмæй гастролты фыццаг бон Цхинвайлаг артисттæ равдисдзысты Къостайы поэмæ «Фатимæ»-мæ гæсгæ æвæрд спектакл. Уымæй уæлдай, программæйы ис ноджыдæр ма цыппар комедийы: «Нæлгоймаг, сылгоймаг, рудзынг, мард», «Ды мæ куы уарзай», «Бирæгътæ» æмæ «Цыппæрæмæй-цыппæрæммæ».

Æвзонг театруарзджытæн та равдисдзысты ахæм спектаклтæ: «Сырх худ», «Тæрхъусы амонд» æмæ «Бирæгъ æмæ тæрхъустӕ» (сывæллæтты спектаклтæ æвдыст цæудзысты боныгон).

Пресс-службæйы минæвар йæ ныхасмæ куыд бафтыдта, афтæмæй цхинвайлаг артисттæ архайдзысты национ театралон фестивал «Æнæ арæн сценæ»-йы дæр (уый цæудзæн Цæгат Ирыстоны 4-8 ноябры).