СМИ о нас

Search Our Site

Администратор: +7 (8672) 25-11-42 Касса: +7 (8672) 55-14-68

  • «Отелло». В.В. Тхапсаев
  • «Когда дрожит земля». В.В. Тхапсаев
  • «Сын Иристона». В.В. Тхапсаев
  • «Фатима». В.В. Тхапсаев
  • «Сын Иристона». В.В. Тхапсаев
  • «Отелло». В.В. Тхапсаев
26 ноябрæй 1 декабрмæ Дзæуджыхъæуы райдайдзысты Хуссар Ирыстоны Хетæгкаты Къостайы номыл паддзахадон театры гастролтæ. Ахæм сфæлдыстадон фембæлдтытæ æфсымæрон республикæйæн нæ аивадуарзджытимæ вæййы æдзухдæр.

Театры сæйраг администратор Остъаты Мæдинæ куыд радзырдта, афтæмæй гастролтæ райдайдзысты Тæбæхсæуты Балойы номыл академион театры сценæйы Хетæгкаты Къостайы поэмæмæ гæсгæ арæзт спектакл «Фатимæ»-йæ. Йæ режиссер — РЦИ-Аланийы æмæ РХИ-йы аивæдты сгуыхт архайæг Дзудцаты Тамерлан.
Уый фæстæ хуссайраг артисттæ нæ театрдзаутæн равдисдзысты комеди «Бирæгътæ», сабиты зæрдæтæ та барухс кæндзысты аргъау «Тæрхъусы амонд»-æй. Уыцы бон изæры та сæм æнхъæлмæ кæсдзысты æрыдоны районы Саламты Къолайы номыл Культурæйы галуаны. Йæ сценæйы æвдыст æрцæудзæн комеди «Цыппæрæмæй — цыппæрæммæ». 28 декабры та Хуссар Ирыстоны театры коллектив Кировы районы Культурæйы хæдзары равдисдзæн комедитæ «Бирæгътæ», «Цыппæрæмæй — цыппæрæммæ», чысыл театрдзаутæн та — аргъау «Тæрхъустæ æмæ бирæгътæ».
Горæтгæрон районы театруарзджытæн та 29 октябры Октябрыхъæуы Плиты Грисы номыл Культурæйы галуаны сценæйы равдисдзысты комедитæ «Ды мæ куы уарзай», «æфсин» æмæ аргъау «Тæрхъусы амонд».
Тæбæхсæуты Балойы номыл академион театры сценæйы нæ сабитæ фендзысты аргъау «Сырххудджын», изæры та аивадуарзджытæ фендзысты комеди «æз, уый, рудзынг, уæлсынт мард». Театры гастролтæ фæуыдзысты 1 декабры Мамсыраты Дæбейы пьесæмæ гæсгæ æвæрд спектакл «æфхæрдты Хæсанæ»-йæ. Йæ режиссер — Цæгат Ирыстоны аивæдты сгуыхт архайæг, Хетæгкаты Къостайы номыл паддзахадон премийы лауреат Бекъойты Розæ.
Гасанты Валери